Superpoly euskaraz

Superpoly finantza-joko ezagunena da, euskaraz argitaratua, Euskal Herriko hiriburuetako kaleak saltzen eta erosten jolastekoa. Hirian ahalik eta ondasun gehien erostea eta ondasunok ahalik eta ondoen kudeatuta zazpi hiriburuen jabe izatea da helburua. Baina horretarako diruaz zorrotz jokatu behar da eta, gainera, beste jokalariekin batere errukirik gabe. Jokatzeko beharrezkoak diren osagai guztiak badakartza: taula 1, 2 dado, 6 peoi, 36 etxe berde, 18 hotel gorri, billete sorta, 60 txartel eta arautegia. 8 urte baino gehiago badituzu, hasi jokatzen!