Palabra exacta. Biografía de Lois Pereiro

Biografía de Lois Pereiro, de Antón Lopo, publicada en Galaxia, é a biografía do autor homenaxeado nas Letras Galegas 2011 e un achegamento a Pereiro a través das persoas que máis íntima relación mantiveron con el, pero tamén coas voces que se enfrontaron á análise da súa poesía ou que, dalgún xeito, o reivindicaron. O resultado é un libro con múltiples puntos de vista onde se profundiza na figura e na obra dun dos escritores que mellor representa a individualidade en procura de sentido na sociedade contemporánea. Antón Lopo xa se ocupara das biografías de Lorenzo Varela e de Uxío Novoneyra.