Utikan, birusa

Koronabirusak jo gaituen garai honetan girotuta dago istorio hau. Lehenengo ipuinak “Nahigabeko oporrak” orain hilabeteko itxialdiaz hitz egiten digu eta bigarrenak berriz, “Lagunak beti lagun”, uda ondorengo denbora honetan dago girotuta. Noa eta Lea ahizpek, garai berezi honetan ere, beti erakutsi ohi duten laguntasuna, bizi-poza eta bihurrikerietarako joera helaraziko diete haurrei ipuin honetan. Ana Jaka eta Iosu Mitxelenak seigarren liburua dute elkarrekin lan egitez, Marimatrakak bilduma gero eta erakargarriagoa osatuz. Liburu hauek beste behin jaso dute Juul sarietan parte hartzen duten haurren aitortza.